美國紐約作為世界著名嘅大都會，不但吃喝玩樂樣樣有齊，就連性商店都各有特色，除咗有各種款式嘅情趣用品發售外，更肩負起推動健康性文化嘅重任。早前美國就有消費網站，選出多個相當具有特色及值得去嘅情趣用品商店，等大家體驗非一般嘅經歷！
雖然情趣用品唔再好似以前咁被女性視為禁忌，但事實上唔少女士仍然對此有所誤解。為咗推動女性使用情趣用品普及化，呢間位於紐約嘅情趣用品店內嘅用品，唔單止全部針對女性而設，而當中絕大部分都係走平價路線。據講，呢種營銷方針係希望女性能以廉價，購買適合嘅情趣用品，令佢哋更易於接受。與此同時，佢哋又經常搵嚟專家舉辦講座，令更多女性能以正面態度看待情趣用品。
高檔嘅情趣用品唔單止外形設計精美，使用時更易得到滿意嘅效果，若然想搵呢類型產品嘅話，呢間情趣用品店一定可以滿足到大家。呢間嚟自英國並且有八年歷史嘅專門店，裝修不但充滿英倫風，並主打各類型嘅高級情趣用品，尤其係高檔情趣內衣更係佢哋嘅主打。此外，商店更係重口味玩家嘅專門店，事關佢雲集咗愉虐系世界級品牌，兼且有齊各種專供好此道者嘅書籍，好讓佢哋能夠領略箇中嘅樂趣。
不論情趣用品嘅初哥玩家或專家，有時都希望得到專家嘅意見，而呢間情趣用品店就有呢種專家現場諮詢服務。事實上，呢間由美國著名女權運動家Dell Williams喺1974年開設嘅情趣用品店，開設初期嘅目的係為咗讓女性得到性愛上嘅解放，並且明白自己嘅床上權益，因此產品主要針對女性而設。其後，佢開設夫妻用品專列，等夫妻可以得到更佳嘅性愛體驗，又開設各種專家講座及活動，推動男女性愛文化嘅發展。
撰文：魂