China Joy每年都吸引過千囡囡慕名參與，總有幾十人被媒體力捧為人氣騷女郎，但當中十居其九，紅一年半載就冇晒聲氣，而能夠屹立不倒，一直都咁受歡迎嘅，絕對係少數中嘅一個，佢就係鹿小茜！
小茜今年22歲，大約2011年參加China Joy，當年就被媒體封為人氣天使之一。其實小茜未做騷女郎之前，已經係人氣網拍模特兒，拍過好多少女時裝同婚紗照，但只喺上海有知名度，但出席完China Joy後，一夜間令小茜全國聞名，自此工作不斷，更做咗唔少網絡遊戲嘅代言同埋角色扮演。由於小茜樣子甜美，態度親切，所以深得網友同宅男嘅歡迎，唔少網絡競選，小茜都係名列前茅，而近年除咗做網絡遊戲代言之外，仲做埋車展模特兒，但由於小茜身材一般，自己知自己事，所以唔敢走袒胸露背嘅形象，只得繼續走清純可愛嘅路線。
但大家咪以為小茜身材稍遜就性感唔起，小茜嘅攝影作品中，不乏性感照片，而且噴血度十足，冇因為充滿少女味而大打折扣，反而更畀人有不一般嘅感覺，講真，小茜一頭金髮，有點東洋涉谷風味，好有日本寫真嘅味道，令照片大大加分，亦令佢人氣大升。網絡上有唔少小茜嘅專頁，但每個都只得一輯半輯照片，要一窺全豹，最好都係去佢嘅私人微博，事關裏面除咗收藏咗多年嚟嘅性感寫真外，仲有好多佢自拍同工作花絮照，由於大多數都係自拍，所以都係高角度俯瞰，只見小茜嘅事業線既深且長，令人不禁口水長流。
簡介：裏面有好多鹿小茜嘅自拍照，張張嘅事業線都既深且長，令人睇到口水都流埋，但最正就係睇到鹿小茜純真嘅一面，更令人喜愛！
網址：http://weibo.com/u/1726693233
出生地：上海
三圍：33-25-35
身高：170cm
撰文：龍四海