最近分別在香港及澳門聽到夜遊行內人在呻，今次的主題不是生意難做，而是遇到啲所謂「衰客」，香港方面，最容易出事當然是一樓一鳳，話晒一個女人仔打開門做生意，卻要來者不拒（大部分）應付形形色色的客人，可以想像當中的辛酸，「最常見咪就係啲醉酒客呀、小偷呀，所以我從來都唔用智能電話，咁貴，唔見一部，做成個星期都賺唔番。」鳳姐C說，不知是不是近幾年香港經濟差，她遇到愈來愈多講價客，由三、五十到一百都有，總之就拗一餐，「以前做完個客滿意都會有打賞收吓，依家？唔壓價都偷笑。」不過C說，最討厭還是打死狗講價那種人，「做完先同我拗嗰一百幾十，男人之中都算賤中極品呀。」