美國哈佛大學早前公布一項研究，指經常扮喺性愛中有高潮嘅女性，會增加出軌嘅機會。呢項調查訪問咗有性伴侶嘅138名女學生，佢哋平均每周做愛三次，而喺受訪女性中只有百分之61有高潮，並發現每六個受訪女性中有一個承認曾扮過有性高潮。參與研究嘅專家Justin Lehmiller表示，如果女性習慣扮有高潮嘅話，出軌嘅機會就會愈高。問題就喺呢度嘞！對女人嚟講，性生活得唔到滿足，出軌機會梗係大啦！若然研究目的係提醒男士要留意女伴係咪真係有性高潮，咁男人有乜嘢辦法知道女伴係真高潮定假高潮呢？因此講到尾，呢個研究有廢噏嘅嫌疑囉！