超薄新型避孕套

避孕套雖然好重要,但技術咁多年卻幾乎冇改進,於是電腦大亨蓋茨喺今年3月推出「探索大挑戰」項目,以大額獎金鼓勵大家研發新型避孕套,而研製出史上最薄,以納米材料「石墨烯」(Graphene)製成嘅新型避孕套嘅英國曼徹斯特大學研究小組,最近就獲得超過六萬英鎊嘅撥款。據小組負責人兼材料學家Aravind Vijayaraghavan表示,石墨烯係世上最薄同最強韌,將佢混合埋傳統保險套中使用嘅彈性聚合物乳膠,就可以生產出更為堅靭又更加薄嘅避孕套,不但可以令避孕套變得前所未有咁薄,仲更能感受到衝刺時嘅快感添!不過新型避孕套預計最快要兩至三年後先至可以推出。

撰文:魂