為咗激勵要踢附加賽至可以攞到2014年巴西世界盃嘅法國國家隊，法國電視台嘅27歲天氣女主播Doria Tillie發出豪言，若然陷入被淘汰邊緣嘅法國隊，最後能打敗烏克蘭並成功搶得世界盃入場券嘅話，佢就會全裸報天氣。結果法國大軍果真勝出，而Doria亦兌現承諾，點知佢選喺一處叫「Poil」嘅人煙稀少地方報天氣，而距離鏡頭更係超遠，令一心諗住睇好戲嘅觀眾大叫唔收貨。不過Doria卻話佢當時真係大聲報天氣之餘，更表示法文中嘅「Poil」有裸體嘅意思，因此特意挑選呢度。佢表示已經雙倍履行咗佢對大家嘅承諾，仲叫大家欣賞佢別出心裁嘅構思添！