日本人氣AV女優羽田愛，有計劃去台灣訪問，一如以往，同其他AV女優一樣，出席一啲公開活動，跟住做吓訪問同簽名會，跟手接吓私拍活動等，但近日有人竟喺網上宣稱只需畀七萬台幣，就可以同羽田愛喺酒店短聚，仲話明絕對係佢本人服務，講到似層層咁樣，自然引起不少AV迷嘅興趣。但由於實在太明目張膽，所以除咗傳媒嘅狗仔隊派出精銳部隊廿四小時直擊報道之外，據講台灣警方亦接到消息，懷疑事件可能涉及國際賣淫活動，只要相關人物一到台灣，佢哋亦會廿四小時出動，到時粉絲、龍友、傳媒加上警方，瓣瓣都話要貼身跟蹤，睇嚟羽田愛所到之處，都會十分墟冚，到時唔好話接客，連食飯都冇時間呀！