今日介紹一位人氣極盛嘅私拍模特兒畀大家識，網友們都叫佢做小姿，英文名Nancy，因為私拍界出咗好幾個叫小姿嘅靚女，為免混淆，佢就中英文名撈埋嚟用，網上佢嘅稱呼就叫做Nancy小姿！
嚟自湖南長沙嘅小姿，今年24歲，做咗私拍模特兒都有一段日子，憑其一對巨乳，紅遍半個中國，由於小姿好怕舟車勞頓，所以佢所接嘅工作，大多數都在南方，但近年由於人氣急升，有唔少北方攝影師想搵佢拍照，仲南下長沙同佢合作，作品出街後，大受北方網友歡迎，馬上令小姿嘅人氣大增，無辦法，家陣個市場集中喺北方城市，所以小姿點都要學習克服怕坐車嘅習慣，寧願抱住嘔吐袋上路，也要去北方大城市闖蕩！但小姿透露自己係宅女中嘅宅女，如果喜歡闖蕩，早喺18歲就外闖，使乜等到家陣，又講得啱，北方嘅朋友幫你唔到啦！
但大家咪以為小姿嘅工作會好少，佢不知幾忙，已經有唔少廣告商打佢主意。另外，仲出席大大小小嘅私拍活動，好似今個月11號，正係一年一度嘅光棍節，小姿就要由朝忙到晚。為咗照顧一眾冇拖拍嘅宅男，內地有不少網站都搞聯歡活動，等大家癲番晚，而搵私拍模特兒出席，擺出超性感甫士嚟畀佢哋拍攝，更已成為指定動作。如今小姿當時得令，自然成為大紅人，唔少活動仲搵佢嘅性感照嚟做宣傳添。據估計今年光棍節呢段時間，小姿要走十場八場秀，除咗做模特兒外，仲要做埋嘉賓主持添！
簡介：Nancy小姿嘅微博內，收錄咗佢好多工作時嘅照片同埋自拍照，唔少噴血度極高，事業線既深且長，令人暈晒大浪！
網址：http://weibo.com/577447483
出生地：湖南長沙
三圍：33-24-34
身高：160cm
撰文：龍四海