近日一個外國網站Refinery29.com搵咗一位視頻妹做訪問，題目為「Money, Sex & Video: My Life As A Cam-Girl」，談及工作上嘅苦與樂。當事人表示喺2009年睇到一個招聘廣告，日薪高達500美元（約3,900港元），返工時間彈性，見咁吸引便入行。佢起初覺好易賺錢，但半年之後遇上好多「爛客」，最常見係下流挑逗當幽默，又或者係喜歡問個人資料，佢話：「網友最鍾意問年齡、三圍數字及身高，其實呢啲問題，根本對解決性慾或提升快感都冇幫助，簡直係嘥錢又嘥時間！」視頻妹表示依家已經做到好厭倦，但為咗搵食，都要應酬班老細喎！