生命誠可貴，自由價更高，係人都希望自由，所以大部分男人都唔想畀一個女仔綁住。不過，好似我呢隻長年單身嘅男人咁，求來求去都係想有個煮飯婆看顧一下，就算被佢綁住亦係甘心的，水着妹里中彩亦同意，但佢唔係鍾意畀男友綁，而係鍾意被SM玩具綑綁。
早前本欄曾為大家介紹過一個人氣強勁嘅車模，佢由於出名而獲邀進軍水着界，實行兩棲發展，呢位就係有馬綾香。其實，早於綾香已經有唔少師姐咁做，今日介紹畀大家認識嘅里中彩就係其中之一，而彩妹仲比綾香發展得更好添。今年28歲嘅里中彩俏麗迷人，氣質脫俗，加上一頭清爽短髮，令人倍覺精神爽利。由於彩妹五官標致，輪廓分明，所以被人歸類為清楚系美人，意思即係話印象鮮明出眾，唔會面目模糊。除咗樣貌出眾，彩妹曾幾何時仲因為一副激凸靚偈而為人所熟悉，不過由於要迎合大眾瘦就是美嘅觀念，所以近年彩妹積極瘦身，本來豐滿嘅E奶縮水變成C奶，猶幸減肥令佢身上冇晒多餘脂肪，體態輕盈苗條，加埋本身幼滑嘅極品美肌，感覺依然吸引。
見到彩妹個樣咁嫩口，可能估計佢出道唔係好耐，但係大家今次估錯喇！翻查資料，發現里中彩喺2003年就已經出道，不過唔係拍水着寫真，而係做賽車女郎。身高5呎5吋嘅彩妹比起一般女仔高，加埋對高跟鞋更加高人一等，做車模絕對合適，仲成為全日本GT冠軍所屬嘅其中一個車模團隊「馬赫號GT Queen's」嘅成員，並一直以呢個身份活躍於車模界，後來更獲藝能界賞識，將佢引進拍攝水着寫真以及參與電視節目演出。彩妹參與過嘅電視節目當中亦不乏與賽車相關，例如係《最強獎牌傳說 P-1最高獎》。與藝能界有所接觸之後，彩妹就立志成為一個出色嘅演員，而機會亦有唔少，演出嘅電影包括有《夏天聲音Caonne》以及《再一次沖繩戰記》等。2011年發展順利嘅彩妹因為轉事務所而休息咗一段時間，再次復出拍水着寫真DVD嘅時候，風格就變得重口味，除咗玩自摸之外，仲將雙手綑綁，大賣SM感覺。彩妹就表示試過呢次繩綁，感覺相當愉快，所以唔排除日後再玩多啲SM玩意，不如阿妹你學壇蜜咁拍部全裸SM情色片啦！分分鐘大紅大紫o架。
里中彩會將自拍以及與朋友共聚時所拍嘅照片，連同生活點滴於博客公開，想深入了解里中彩，不妨上其博客睇睇。
網址：http://ameblo.jp/satonaka-aya/
年齡：28歲
身高：5呎5吋
三圍：33C-23-34
撰文：賢