有光就有影，有忠就有奸，有SM女王亦有M男。呢班M男雖然被女王百般苛待、玩弄，感到痛苦同屈辱，睇落係就係好淒涼，但係佢哋卻樂在其中，從被虐過程中感受快感。而山中絢子則自稱為M女，不過就唔鍾意玩SM，只係鍾意被相機「侵犯」啫。
今年4月有一個令廣大男兒都覺得相當悲痛嘅消息，就係美女如雲嘅組合惠比壽麝香葡萄宣告解散，以後想再睇到一大班AV女優又唱又跳都幾難咯。唔好意思，其實小弟剛才咁講有唔妥，因為麝香葡萄唔單只係由AV女優組成，當中嘅成員有好多係來自模特兒界以及水着界，好似兒玉菜菜子，以及今日為大家介紹嘅山中絢子。今年26歲嘅絢子氣質比好多同齡，甚至比佢年紀大嘅水着妹嚟得成熟，而呢種成熟程度只係輕微，亦可以話係青春活潑以外嘅另一種美態。絢子雙眼透發出動人神采，當中仲夾雜住幾分渴望同妖媚，甚具攝人神韻，定力少啲都頂唔順。屬於勻稱型嘅絢子三圍係35-24-34，飽滿嘅E奶、纖幼嘅腰肢再加上向上翹嘅美尻，相信冇男人會挑剔。
2008年山中絢子就涉足水着界，仲成為惠比壽麝香葡萄嘅成員添，可能當時阿妹用半工讀嘅形式生活，又要讀書又要演出，所以搞到身體狀況好差，為組合第一次大型演唱會做綵排嘅時候突然暈倒，幸好休息一下之後總算可以繼續演出。而阿妹身體咁差，除咗因為工作太忙之外，亦可能同居住環境欠佳有關。某一次，東京電視台嘅綜藝節目《死氣白賴地要求麝香葡萄SP！》當中有一個突擊家訪環節，而絢子嘅屋企就被選中，於是攝製隊同一班麝香葡萄隊員就突然闖入絢子家中，點知呢個時候至發現阿妹屋企細得可憐，幾乎得六塊榻榻米咁大，而且仲相當污糟兼夾凌亂不堪，住喺咁擠迫、衞生又唔好嘅地方，身體唔差就有鬼啦！但係點解阿妹仲唔搬呢？東京租金貴可能係原因之一，亦有可能係阿妹鍾意虐待自己，因為絢子自稱M女，鍾意被虐待同被人責備，而佢仲話拍寫真嘅時候成日都覺得畀相機侵犯，每次閃光燈一閃，都會好似被人責備一樣，但係又好鍾意呢種感覺喎！
雖然惠比壽麝香葡萄已經解散，但係山中絢子依然不愁演出機會，想知道阿妹最近又忙於邊類演出，Click上佢個博客就知道。
網址：http://ameblo.jp/yamanaka-ayako/
年齡：26歲
身高：5呎3吋
三圍：35E-24-34
撰文：賢