英天體泳灘解禁

位於英國北諾福克嘅候克漢（Holkham）海灘，每年都吸引唔少天體愛好者嚟到享受裸體嘅樂趣，點知呢個屬於英國皇室嘅土地，早排卻被下令嚴禁進行天體活動。對海灘天體活動向來隻眼開隻眼閉嘅英國皇室之所以咁嬲，因從2010年開始海灘上頻頻有打野戰嘅投訴，更有唔少妓女喺度搵食兼騷擾遊客。呢個舉措令英國天體主義者協會強烈抗議，更要脅進行大型示威，最後惟有決定暫時擱置禁令，並同警方商討更有效嘅措施，因此呢個曾經喺奧斯卡得獎電影《寫我深情》片尾中取景嘅海灘，可以繼續對天體愛好者開放。