每當食欲唔係咁好時，都會諗起一道既酸甜又惹味嘅菜式，佢就係香橙骨。香橙骨顧名思義主打由香橙所調校出嚟嘅汁料，既惹味又可令排骨更添美味，尤其係今次所介紹嘅呢道香橙骨，用料新鮮，風味亦絕佳！
據師傅講，坊間一般香橙骨為咗慳料，往往用大量嘅糖同醋嚟調校酸甜度，而佢卻堅持用鮮橙汁加橙酒嚟吊味。煮法係先將橙皮切成幼絲，將橙肉榨汁，加入橙酒、糖、鹽及醋備用。將鮮排骨切件醃製，拍上生粉後炸至金黃色撈起，索乾油後加入香蒜同橙汁兜勻，再冚蓋焗至汁料收乾後上碟，惹味無比嘅香橙骨便大功告成！
食物提供：大富豪
價錢：桑拿顧客HK$28
撰文：魂