宅男天地：萌系小魔女

萌味爆燈嘅PS3電玩《魔女與百騎兵》中，每個魔女都係萌味滿瀉，難怪吸引大量萌迷捧場！既然係咁，模型又點少得佢哋嗰份呢？今次登場嘅就係電玩中嘅女主角、有沼之魔女之稱嘅梅塔莉亞喇！呢個梅塔莉亞Figure嘅造型一出場已經先聲奪人，豐富嘅構圖加上大量精細嘅配件，叫人眼前一亮。當然，大家嘅焦點仍然會落喺梅塔莉亞嘅胸前，事關佢雖然係個萌系美少女，但係車頭燈斤両十足，加上露半球嘅戰衣，予人呼之欲出嘅感覺。此外，佢條低腰露股溝嘅短褲，同樣係極具觀賞性嘅吸睛位。