據學者統計，77%嘅女性竟然從未或偶爾才嘗到高潮嘅滋味，聽落都幾令人心酸，所以坊間有好多針對女性如何獲得高潮嘅書籍，而最近台灣就有一本新書，一推出就馬上賣斷市，書名叫《女醫檢師現身說法教你高潮一直來一直來》，書名水蛇春咁長，但最吸引係書面嘅宣傳口號——「高潮不用裝，要用練的！」作者係一位女醫生，日頭喺醫院照顧病人，夜晚就會喺網上替女網友排難解憂，日子有功，就把網友最常問嘅問題輯錄成書，佢嘅觀點係高潮不用靠人，只要努力練習就可以得到。至於要練乜嘢？書裏面話主要教女士練心練身，練心就係刻服自己嘅心理障礙，唔肯開放自己，就係女性高潮嘅死敵；練身就係發掘自己嘅敏感點，把A點、G點同埋U點都搵晒出嚟，每次親熱時，就可以自己移位，令乜點都享受到刺激感覺，於是高潮就會如書名一樣，一直來、一直來！由於推出後已經賣斷市，有興趣嘅朋友就要上網訂購啦！