一個廣東女孩為咗理想遠赴北方，入讀北京師範大學，但佢冇打算做老師，早就決定投身模特兒界，佢喺當地用盡千方百計入行，而憑其完美身材，火速成為炙手可熱嘅新人王，佢就係「豪車女神」林妍美。
林妍美出道唔夠兩年，今年絕對係佢嘅收成期。初出道時同其他女孩子一樣，拍拍時裝照，做做外拍嘅工作，但妍美嘅身材實在太惹火，衣服完全掩蓋唔住佢嘅火辣身材！妍美上圍有36吋D級，着乜嘢衫都特別養眼，加上24吋小蠻腰同埋35吋渾圓美臀，絕對稱得上係性感尤物，所以內衣、浴室廣告排住隊搵佢拍，但佢知道要成名，一定要衝出平面，於是全力向車模工作發展，最先幫汽車網站或雜誌拍照，以妍美嘅身材外貌，馬上吸引各大車行嘅注意，搵親佢合作嘅都係百萬名車，所以妍美喺車模界有「豪車女神」嘅稱號，可見其受歡迎程度。
由於妍美表現出色，深得廠商歡迎，於是喺近年各大車展中，都見到佢嘅身影。喺今年上海車展，妍美更以一身閃亮晚裝艷壓全場，贏得媒體一致好評，更與曹陽、吳雨嬋並列為車模界三大明日之星，呢個榮耀真係唔講得笑，但妍美冇自滿，更將另一條腿踏入影視圈，兩年間接拍咗六、七套影視作品，雖然仲係小角色，但足以令妍美獲益良多，喺演技上學到唔少嘢。妍美話自己仲年輕，而且唔係「科班」上身，所以演藝技巧更要努力喺實戰中學習。呢顆明日之星，前途一定無可限量。
簡介：林妍美喺今年至爆紅，所以照片不多，但最出位、最流鼻血嘅性感寫真，都放晒喺佢呢個官方網站裏面，張張精彩。
網址：www.moko.cc/melodyying
出生地：廣東
三 圍：36-24-35
身 高：170cm
撰文：龍四海