宅男天地：怪獸美少女

恐怖嘅巨型怪獸化身成玲瓏浮凸美少女，究竟會有乜嘢效果呢？由模型製造商PLEX推出嘅「七星俠怪獸擬人化計劃」，就將鹹蛋超人七星俠特攝片中嘅怪獸美女化，而頭炮作品就係嚟自《七星俠》第3集《湖中的秘密》嘅宇宙怪獸電王獸！老實講，如果唔係從佢頭上對角同身上嘅斑紋嚟辨認嘅話，真係唔覺佢同醜到爆嘅電王獸之間有乜嘢關係，事關呢位美女版電王獸不但樣靚，身材更係激凸兼火辣，一雙美乳固然睇到流口水，嗰條迷你裙更係短到露底，實在係養眼之作！