如果喺香港嘅公眾場所度自娛，一定係屬於犯罪，但原來喺瑞典竟然係冇罪o架！事發於早前嘅Drevviken海灘，一名65歲嘅男子喺水邊除褲然後自娛，跟住佢畀人拉咗，並告佢性侵犯。不過經過一番審訊後，法官裁定呢位男子自娛無罪，理由係性侵犯呢條法例，係有行事嘅目標同針對性，而呢位男子只係喺海邊自娛，整個行為並冇目標及目的性。當然，檢控官對呢個裁決相當不滿，仲話會進行上訴，亦有法律專家指出，所謂嘅自娛無罪係指喺海灘上，冇目標性同冇針對性而進行嘅行為，大家一定要理解清楚。其實講到尾，喺公眾場合做呢啲嘢，點都係有傷風化，千祈咪制呀。