老友喺利澳水療玩完出嚟要食啲嘢補一補，於是點咗個「XO醬牛柳粒」，經理話佢哋嘅牛柳嚟自澳洲，夠晒鮮嫩，師傅就用咁靚嘅牛柳，以中式做法嚟炮製，先煎香至皮脆肉嫩，大約五成熟嘅時候，熄火攞起，再將牛柳切粒備用，跟手把香菇同椒絲落鑊快炒，配菜將牛柳肉汁吸乾，稍加調味已經芳香撲鼻，之後把牛柳粒回鑊，同時放幾匙大廚嘅秘製XO醬落去，牛柳鮮嫩唔在講，附帶XO醬同辣椒嘅香味，絕對令人食指大動，再整杯冰凍啤酒，真係無以尚之，即時充好電，再戰都冇問題呀！
撰文：祖