朋友告訴我，現在的時鐘酒店房，真的是難租到飛起。見他一臉認真，當然要問個究竟，這個範疇，我沒有太多涉獵，自然希望在他身上了解更多。他說，他早前也湊熱鬧，學人玩那些手機溝女App，兩星期下來，已經跟好幾個女孩見過面，「上面好鬼多外傭，要約出來其實都唔係咁難，不過就要等星期日囉。」朋友說，這些App上雖然也有「搵食」的職業囡囡，但仍然以芳心寂寞的人為多，「通常都係三十幾歲嗰啲單身女士，都有啲年紀較大嘅失婚婦人，不過先旨聲明，唔係個個都食得，有啲係出來真心交友o架。」
這位朋友Talk得，出來的行頭也不錯，果然沒多久就給他遇上了，對方是個三十五、六歲的在職女士，「星期一晚11點零鐘約佢去九龍塘，佢OK喎，諗住得米啦，點知行咗半個九龍塘，間間別墅都話爆棚，轉車落太子，連啲乜記都客滿，慾火焚身諗住賓館仔都殺啦，點知……」走過好幾幢唐樓，一樣是客滿，「真係奇觀，嗰啲賓館仔，根本就係以前啲馬檻、指壓改裝嘅，又殘又舊睇到都唔開胃，點知都係爆到瀉！依家咩世界呀？」
撰文：黄韋龍