雖然《衝上雲霄2》已經曲終人散，但係Cool魔嘅氣勢依然未減，仲紅遍神州大地添。酷男係咪咁吸引都係等女仔嚟評論，至於冷酷索爆型女，小弟就相當喜歡，就好似相川友希咁。
成日都笑又青春可人嘅美少女，固然能夠令男人看在心裏，甜在心頭，心底更加湧現某方面嘅慾求。不過，作為一個男人應該眼光廣闊，識得欣賞不同類型嘅女仔，面對冷艷型女亦要抱持勇於探索嘅態度，而面對相川友希呢位冷酷索女，相信呢種想去探兼去索嘅心態一定更強烈。今年已經二十有八嘅友希乃係女子組合SDN48嘅前度成員。相對於其他隊員，友希年紀較大，亦相對成熟，多咗一份穩重同淺淡嘅女性韻味，睇落就好似大姐姐咁。身材方面，友希亦比其他隊友高，有成5呎5吋，全身亦布滿結實肉地，雖然上圍欠少少脂肪，但係纖巧嘅腰肢同修長嘅美腿則能夠彌補不足之處，仲散發一種健康感覺。
見到相川友希全身咁結實，好多朋友可能已經幻想緊阿妹喺其他方面係咪都咁有戰鬥格，的確，友希係就係屬於戰鬥型，不過就唔係上床肉搏，而係上擂台同人較量。友希2005年出道做賽車女郎，由於佢身材高挑又靚女，被藝人事務所賞識將佢帶入水着界拍寫真，後來仲成為SDN48嘅成員，將其無限活力充分發揮。友希2008年嘅時候獲選The RQ Of The Year，令佢喺賽車女郎界人氣急升。不過，阿妹並不將自己局限於做個企定定嘅花瓶，於是加入女子格鬥團體「戰極」，客串做格鬥女戰士。近期，友希就受到同屬一間事務所嘅水着妹好友Konan嘅感染，開始鑽研演技，一心喺影視界打響名堂，所以已經好少再上擂台喇。
相川友希會不斷將工作以及吃喝玩樂所拍低嘅照片上傳到博客，想緊貼阿妹嘅動態，可以Click上佢個博客。
網址：http://ameblo.jp/yuuki-uki/
年齡：28歲
身高：5呎5吋
三圍：32-23-34
撰文：賢