話美國四仔男神James Deen紅過荷里活男星真係冇誇張，早前佢接受完英國《Esquire》雜誌專訪，講現代男性言行舉止點先最冧女，最近佢又接受《Glamour Magazine》訪問講床上實戰，堅威水！但可以話你知，其實男神都係人肉錄音機，大部分內容同過往嘅相差無幾，好彩都仲有啲精警嘢，例如James話女人一方面期望有一個男優男友，床上英明神武、威猛過人，另一方面又唔想當佢係脫星咁搞，作為男人真係唔知點做至啱，講中晒女人嘅矛盾心理。仲有，男神以過來人經驗話畀大家知，咪以為四仔男優做足120分鐘唔識爆，現實中根本無人可以砌足45分鐘唔變軟皮蛇囉！