最近有銀行網站畀人假冒，令到客人蒙受損失，估唔到連日本AV廠都畀人造假，認真離譜！
話說小弟定期會瀏覽日本各家AV廠嘅專屬網頁，以發掘更多新消息介紹畀大家，當我瀏覽到北都集團旗下幾間大型AV廠，如S1同Moodyz之際，不約而同發現網站內出現一則聲明，內容大約係講自7月23日起，有網站冒充北都集團旗下嘅AV廠呃人畀錢網上買AV睇。
該網站名叫AV女優之高端電影株式會社，佢冒充北都集團旗下嘅AV廠已經唔啱，而佢收咗錢之後仲冇交貨畀客人，就更加罪加一等。北都集團知道事態嚴重，於是就喺各個AV廠嘅專屬網站發表共同聲明，表示有人冒充廠方呃錢，仲提醒大家一定要透過AV廠網站又或者係北都旗下嘅AV銷售網DMM購買AV，齊齊向冒版貨Say No！
北都集團同時聘請私家偵探着手調查有關事件，掌握到更多證據後便會採取法律行動。事件亦引起唔少網友關注，有人就表示暫時得北都集團旗下嘅AV中招，可能同佢旗下嘅DMM發展強勁，惹起其他AV集團眼紅所致。當然，呢個都係胡亂猜測而已，大家千祈唔好盡信呀！
撰文：賢