《金瓶梅》呢部中國名書，相信大家就算未睇過，都應該看過其電影。而芸芸咁多《金瓶梅》系列，精彩作品好多，不過小弟就覺得1996年上映嘅呢部《新金瓶梅》最正，因為有楊思敏嘅精彩演繹。
《新金瓶梅》故事講述西門慶出身於富裕之家，憑住賄賂官員而得到提刑官嘅候補資格，雖然係候補，但佢喺鎮上依然八面威風，欺凌百姓，風流成性嘅佢更加鍾意淫人妻女。某日，經過王婆家中偷睇到美艷人妻潘金蓮（楊思敏飾演）沖涼，搞到佢心如鹿撞。而王婆就知道西門官人嘅心意，於是就約潘金蓮去佢屋企做針黹，實際上就係等佢哋兩個幽會。事實上，潘金蓮本身一直都慾求不滿，皆因佢老公武大郎除咗醜樣仲性能力低下；差不多同一時間，高大又健碩嘅二叔武松打完大老虎返屋企，潘金蓮向佢百般勾引不成，又撞啱西門慶主動調情，心中雖有少少唔願意，但係都要搵官人救火。二人通姦之事被武大郎發現。最後被西門慶打到重傷再毒死。
武松為報兄仇，上門搵西門慶，點知中咗佢嘅奸計，被人屈咗一條殺人罪，要被判死刑。為咗令武松免去死刑，潘金蓮惟有答應做西門慶嘅妾侍，最後武松就被判充軍，而潘金蓮則一直飽受西門慶淫辱，為嘅只係想再見武松一面。本作故事大家都耳熟能詳，未睇過都聽過。不過，本片製作認真，最重要就係飾演潘金蓮嘅楊思敏演技一流。原名神乃麻美嘅楊思敏係日本人，過咗台灣發展一段日子，憑住驕人身材而備受注目，而佢宏偉嘅巨乳更加一度被譽為「亞洲第一美胸」。楊思敏喺本作表現出色，由含羞答答到慾火得到解放，再由享受淫樂到因為心中掛住武松，面對西門慶又感到受辱，當中心情跌宕起伏都充分流露，加上佢身材豐滿又雪白，激戰之時仲表情十足，正呀！
撰文：賢