緋聞對於模特兒嚟講，真係有辣有唔辣，有時可以幫佢哋一夜成名，但亦有可能令佢哋一敗塗地，好似嚟自河北嘅靚女模特兒林蕊兒，今年爆咗單佢同男朋友嘅新聞，令佢一時間爆紅，但差點亦令佢變得一無所有。
林蕊兒出生於河北，由於身材高挑，樣子甜美，高中畢業之後，就考入老家嘅職業訓練學校，修讀航空服務，打算畢業後就做空姐，以蕊兒嘅樣子，要當空姐可以話絕對冇難度。蕊兒喺讀書期間，已經不時兼職做模特兒，而且稍有人氣，但做咗空姐後就不能兼職做模特兒，喺兩難中，蕊兒最後決定全職做模特兒，呢個決定絕對冇令佢後悔，更令佢喺2012年某大網站舉辦嘅「歐洲盃女王」選舉中獲得冠軍，從此人氣急升，更順利獲邀赴北京發展，成為最具潛質嘅新人，相信假以時日，一定可以成為炙手可熱嘅新人王。
當蕊兒發展如日中天嘅時候，喺今年7月中，爆出佢嘅男朋友喺澳門豪賭輸掉一百萬嘅事件，有指佢男友係公職人員，於是引起有關方面展開調查，雖然事件與蕊兒無關，但有不少網友就罵蕊兒係個貪慕虛名嘅囡囡，但亦有網友指蕊兒係受害者，不應再受指摘，無論網友係彈定係讚，蕊兒因此事成名，過百網站刊登佢嘅新聞，但究竟真相如何還有待調查。起初大家都擔心蕊兒受負面新聞影響，因而工作量減少，好在她勝在夠實力，從佢嘅博客睇到工作量有增無減，仲做埋節目主持同活動司儀添，睇嚟今次事件對蕊兒幫助不少，希望她再創佳績。
簡介：林蕊兒當上正職模特兒後，大部分作品都放晒喺裏面，部分兼職時嘅寫真則放喺其他網站，但質素參差，都係呢度嘅相精彩啲！
網址：www.moko.cc/lruier
出生地：河北廊坊
三圍：34-24-35
身高：174cm
撰文：龍四海