人有三衰六旺，一旦意識到時不我與，就惟有休養生息，伺機而動啦！但當知道自己係時候進攻，又可以點做至一躍而起呢？老實講，我都唔知！不過川村由紀出任旅遊大使，就成功令人氣從谷底反彈喇！
要成為日本藝能界冒起得最快嘅女新人，有後台固然重要，如果冇後台就要有樣貌，再次就係要有一副好身材，若然同知名女藝人樣貌差不多就最好喇！出道十年，經歷多番起跌嘅川村由紀，就係因為生得似《我Miss係大佬》嘅仲間由紀惠而上位。川村由紀似由紀惠一樣咁綺麗秀雅，相對於由紀惠，阿妹嘅身材更加好，34-23-34三圍呈現出誘人曲線美，胸前仲有一對堅挺夾彈手嘅極品E奶添！無獨有偶，由紀出道初期亦被人認為同另一位人氣強勁嘅寫真偶像磯山沙也加相似，只係後者萌味重，由紀則散發出成熟嘅姊系氣息，兩者身材同樣激凸迷人。
由紀2003年參加「周刊少年Jump」選美活動得到亞軍，加上擁有明星臉同好身材，令佢火速上位，上過好多雜誌封面，又演出唔少寫真DVD。不過，由於阿妹同事務所就合約產生摩擦，而被雪藏一年。好彩轉投另一間事務所之後，由紀嘅人氣仲能夠得以保持，更有機會演出特撮片集，例如《獸拳戰隊》，電影《氣球俱樂部，之後》以及《裂口之女2》。2008年，由紀為電視節目《激走！GT》做嘉賓，當時坐上一架時速三百米嘅跑車當中，居然仲同司機談笑風生，認真膽生毛，更反映出阿妹處變不驚。可能亦因為咁，即使面對事業危機都未驚過。呢兩年來阿妹曝光率極低，寫真同寫真DVD幾乎冇出過。然而，由紀依然默默Keep好身體，仲成功撈到個峇里旅遊大使嚟做，今年6月推出嘅寫真DVD《Life Is Beautiful》就係去到峇里拍攝，並獲當地全力支持，令隻DVD有聲有色，成功將人氣谷起，一代E奶女神成功復活！
川村由紀人氣再度彈起之後工作頻頻，想知道阿妹佢最近又忙於邊一個範疇嘅演出，咁就要留意佢個博客喇！
網址：http://kawamurayukie.cocolog-nifty.com/
年齡：27歲
身高：5呎3吋
三圍：34E-23-34
撰文：賢