男人第一眼見到胸前激凸嘅索女時，焦點究竟會落喺邊度呢？美國有眼藥水公司針對一千名男女進行調查，經統計後發現有七成嘅男士認為，佢哋會專注喺對方嘅眼睛上，並且能夠得到滿足，跟住落嚟會留意對方嘅笑容，然後至到胸部、頭髮、體重、腳、衣着品味、臀部等嘅部位。雖然調查有根有據，但有唔少男網友卻唔認同呢個結果，佢哋認為面前如果係個胸前激凸嘅索女，焦點一定先會落喺佢個胸度，然後至會掃描對方個樣，點會先睇眼再睇笑容，然後再到胸部咁話！至於女性又會點睇男士呢？調查指女士同樣會先留意對方嘅眼睛，跟住係笑容同埋身高，唔知大家又認唔認同呢個調查結果呢？