密州人愛泡鹹網

早前美國有調查指,男女上鹹網嘅習慣愈嚟愈普及,仲話未來網絡成人市場有相當大嘅發展潛力。呢個時候美國著名成人網站Pornhub,發表咗一項有趣嘅統計,就係睇吓美國邊個州份嘅人喺佢哋個鹹網上逗留得最耐。結果發現,停留喺佢哋個鹹網最長時間嘅州份係密西西比州嘅人,每人平均時間係11分59秒,而最短時間則係羅得島州嘅人,平均時間為10分鐘。呢個網站同時又發表唔同州份嘅人,鍾意以乜嘢關鍵字嚟搜尋成人短片內容,結果發現阿拉斯加人鍾意搵「好風景」,唔係風景片而係野戰片;加州人鍾意尋找「保持年輕」,唔係美容片而係美少女片;康涅狄格州嘅人則鍾意搜尋「母愛」亦即係熟女片。

撰文:魂