經常有新聞指外國有情侶，喺公共運輸交通工具內，眾目睽睽之下曳曳，唔少人認為係同外國開放嘅文化氣氛有關，只係睇完呢單新聞後，大家會發覺公然曳曳係同文化氣氛冇關係嘅！話說9月1日有上海網友喺微博上直擊，指喺佢前面嘅的士度有外籍男女車震，佢架車尾隨的士20分鐘，對外籍男女就喺的士車廂內親熱足20分鐘，女方全程騎喺男友身上起勢郁，而男友亦激烈從下回應，情緒高漲時更喺度激吻，實行當的士司機冇到之餘，出位嘅行徑更睇到隔籬車嘅司機眼都凸埋。呢位網友仲影埋相放上網，以證所言非虛。其實不論係咪喺人哋嘅地方，大家都要識得尊重他人，呢啲行為真係唔啱o架！