知情色趣：戀上少女單車

最近日本AV女優波多野結衣去台灣工作，租咗一輛單車四處做宣傳，當佢回國後，大批粉絲竟搶住租波多野結衣坐過嘅單車，最後更有人將座椅偷走。大家以為好誇張，但原來真係有人戀上少女單車，話說神奈川縣山手警署，日前破獲一宗偷單車事件，起初以為小事一樁，點知當審問疑犯時，見佢支吾以對，警方於是展開深入調查，最後喺佢家中搜出二百多輛報失單車。問佢偷咁多單車嚟做乜？疑犯話全部都係佢嘅珍藏，事關每一部都係畀女生坐過，每個座位上殘留住女性嘅味道，你話變態到咁，都算係人辦一個。