如果問大家音樂節嘅焦點係乜嘢，相信十居其九都話唔係台上嘅歌手，就係歌手後面班索爆舞蹈員。不過早排喺青島黃島區嘅音樂派對上，焦點卻非上述兩者，而係一班嚟助興嘅女模特兒。事關呢班模特兒衣着確實相當出位，極度性感嘅泳衣不但搶盡音樂會嘅風頭，佢哋搔首弄姿嘅火辣甫士，有觀眾認為比AV女優更為誘人，甚至誤以為佢哋喺度拍緊AV。姑勿論如何，佢哋嘅出現瞬間吸引一眾拍友舉起相機狂影，人氣確係一時無兩，只係呢班模特兒究竟嚟自何方，嚟到音樂會嘅目的係為咗助興定係博上鏡，則冇人會深究喇！
撰文：魂