美國有唔少電單車迷，每年喺唔同地方都會舉辦電單車巡遊，只係講到最盛大嘅卻要數佛羅里達州嘅戴通納海灘（Daytona Beach）所舉辦嘅電單車巡遊。除咗因為佢雲集各路電單車迷兼規模夠大外，更因佢嘅重頭節目濕衫選美會，極具號召力同吸睛度。
每到夏季戴通納海灘，呢個只有6萬幾人嘅城鎮，都會響起隆隆嘅電單車引擎聲，皆因電單車巡遊係當地歷史悠久嘅傳統活動，而伴隨巡遊衍生嘅濕衫選美會。雖然呢個另類選美會幾時出現已冇得考證，但佢人氣之勁、風頭之強足以蓋過電單車巡遊，事關所謂濕衫選美會，即係一班索女個個上身僅穿着白色T恤，然後起勢咁喺衫上淋水，內裏真空嘅T恤即刻貼實索女激凸嘅胸部，展露線條之餘更飛晒釘，絕對極盡誘人嘅能事！可能有人會問點解唔索性剝光豬呢？理由好簡單，皆因受制於當地法律關係，故此佢哋係唔可以裸露身體，而玩濕衫就冇問題。
呢個活動特別之處唔單止在於班索女個個玩飛釘，重點係選美活動吸引到眾多嘅大學女生參加，皆因佢哋認為嚴格嚟講過程中並冇赤身露體，故此冇心理包袱而玩得更放。事實上，選美活動嘅要求相當嚴格，所有索女被要求穿着白色嘅T恤或胸圍，內裏唔可以穿戴任何會遮蓋乳房嘅物品。參加者亦可自行裁剪T恤，剪得有幾性感得幾性感都得，準則係唔可以露出胸前兩點。每位參賽索女會輪流走上舞台，讓台上男工作人員喺佢哋身上淋或噴水，令件衫變得半透後，再喺評審及觀眾面前盡情扭動身體，而評審則根據觀眾嘅反應給予評分，得分最高者將會得到冠軍。至於冠軍有乜獎品？唔好意思，班女只係為咗贏得歡呼，冇獎金同獎品都冇所謂喎！
撰文：魂