俗語有云女追男隔層紗，說明女追男相對男追女嚟得容易，只係若然女方一開口就誠邀男士去曳曳嘅話，係咪又係咁容易呢？外國就有個專門證實各種奇怪實驗嘅團隊Awkward Library Situations，為此進行咗個街訪。佢哋派出英國辣妹Andrea，以緊身T恤加貼身熱褲嘅玲瓏浮凸火辣造型，當街問男士可唔可以同佢曳曳，其他工作人員則暗中將片段拍低。結果Andrea成功訪問咗14位男士，而當中有半數男士即場答應，至於其他嘅男士反應都幾激烈，除咗有斷言拒絕外，更有人嬲到要報警。同場佢哋仲加演型男邀女途人曳曳嘅實驗，結果問咗100個女人，卻一個都冇答應型男嘅請求。