喺今時今日所有電子屏幕都講高清嘅年代，唔單止睇戲要睇高清，就連脫星嘅寫真都話要高清，咁先至可以做到纖毫畢現嘅效果。不過美國就有夫妻檔攝影師反其道而行，推出矇到爆嘅性愛照，話咁先至可以顯示到性愛嘅藝術美。呢對攝影師夫妻組合Constance & Eric，前後搵嚟超過140人嚟做模特兒，當中有情侶亦有多P組合。佢哋會讓對方喺面前曳曳，然後拎住相機喺旁邊捕捉男女曳曳或混戰嘅一刻，再以矇矓嘅畫面展現出嚟。據佢哋講性愛係一種人與人之間嘅聯繫，故此好有探求嘅價質。不過話說回來，啲性愛照影得咁矇，如果唔講係性愛照嘅話真係唔多覺。