假如知識真係改變命運，咁有美色就可令你發達囉！而關鍵係你要識好好利用至得！英國脫模Emma Glover讀書唔多，但架生齊備，早就狠下決心一脫成名，未夠三張，外界估計佢身家已過百萬英鎊，你話識剝係咪好過識字先？
查實Emma Glover有嘅嘢，所有女人都有，點解佢可以靠剝發達，確實令人百思不得其解？但從佢訪問中或者透露一啲玄機。話說阿妹讀書時已極度渴望做Model搵食，於是就膽粗粗自薦做雜誌Model搵外快兼賺經驗，到佢成年後，阿妹已完全了解模特兒工作流程，一個人搬去倫敦後，就即刻發電郵去各大公司搵工，24小時後就被簽約成為全職Model，佢連裸模工作都表示唔介意。
阿妹喺訪問中話佢第一次裸露就奉獻咗畀Nuts Magazine，呢一剝亦令到其他男性雜誌瘋狂搵佢演出，包括有Zoo、Loaded、Monkey、Talk Sport Magazine、The Daily Star及英國太陽報等等，一年間，阿妹形容剝衫時間多過着衫，收入多到無法估計！即使簡單介紹一個背囊，雜誌都要佢露點上陣，全因為佢對天然32F靚咪太過完美！
Emma人氣咁勁，又豈止紙上搵餐晏仔，人氣暴升後，多間知名內衣及服裝品牌都搵佢做御用Model，而當事人亦把握時機，即時開設專屬網站及網誌，繼續炒作人氣，除咗定時拍專業寫真滿足會員外，更利用智能手機每日上載生活寫真，冧到班粉絲全天候要留意佢嘅消息。除咗剝衫益男人，阿妹亦好識包裝自己形象，做脫模之餘又做親善大使，去阿富汗及伊拉克表演幫英、美軍打打氣！更食住個勢殺過美國搵食，話佢冇居心都冇人信啦！
出道短短四年，Emma已由一名脫模變成一位名流，衫照剝，但因為夠話題性，經常出入不同發布會，晒吓波罅就袋袋平安，難怪當地傳媒估計佢身家至少百萬英鎊。
出生日期：1987年6月6日
三圍：32F-24-34
身高：5呎7吋
簡介：Emma嘅專屬網站，睇相睇片當然唔少得，但最精彩係佢每日不定時用智能手機上載自拍寫真，比起定時定候更新，嚟得更有驚喜！
網址：www.emmaglover.co.uk/
撰文：祖