裸模界中不乏拉丁索女，佢哋質素之高更係數一數二，除咗因拉丁人特有嘅分明五官外，更歸功於佢哋天生嗰種熱情奔放嘅氣質，令唔少男士為之折服，而當中嘅人氣裸模Lorena Garcia，就係其中一位備受男士追捧嘅索女。
有人話裸模愈後生就愈吃香，年紀大咗縱然保持得好，人氣始終會慢慢地下滑，只係呢個問題卻冇困擾過今年27歲、嚟自西班牙嘅裸模Lorena Garcia。曾先後用Lorena Morena、Lorena Domingo、Lorena B等藝名嘅Lorena，其實早喺2003年已經出道，當年憑住拉丁人熱情兼狂野嘅性格，加上標致嘅外形順利跑出，各種模特兒工作亦接踵而嚟，從男士雜誌嘅封面寫真、內衣天橋騷、車展女模等密密接。隨住時間推移，年紀愈嚟愈大嘅Lorena不僅愈發有女人味，人氣更係有增無減，除咗染指廣告、電視劇等客串工作外，更走入公仔箱做客席主持，憑住嘅不但係出眾嘅外形，更多嘅係佢天生火辣辣又主動嘅拉丁人性格，成功為佢喺裸模界佔一席位。
雖然Lorena好早已經喺裸模界取得成就，但原來呢位靚女未出道時，並非早就計劃進軍模特兒界，反而希望成為一位按摩師。據Lorena講，由於佢早知自己無心學業，反而對按摩有相當濃厚嘅興趣，故此佢喺完成學業前，已經去報讀有關嘅課程。問到佢點解會對按摩產生興趣時，佢解釋係受到身邊人影響。原來Lorena嘅屋企人都相當鍾意按摩，而佢有唔少嘅朋友都學過，加上佢覺得按摩對健康有正面嘅作用，故此早就立定志向，向按摩行業發展。縱然其後無心插柳喺裸模界揚名，佢仍決定第時退役後，不但會繼續修讀按摩課程，更會利用佢嘅名氣開設按摩院。Lorena更打趣地表示，家陣佢會幫班裸模姊妹按摩，一來唔會荒廢技術，二來又可以做定宣傳。
想深入了解呢位紅咗咁多年裸模嘅近況，梗係要入去佢個面書度了解一下。Lorena不但會喺度分享近況，仲會為大家推介值得追捧嘅新進裸模。雖然家陣Lorena百足咁多爪，日日忙到冇得瞓，但仍然會上去更新資料，認真有心呀！
網址：https://www.facebook.com/lorena.morenagarcia.9
出生日期：1986年9月16日
身高：5呎7吋
三圍：33A、24、35
撰文：魂