鹹趣濠江:馬交伴遊服務

澳門近年除咗有「住家馬檻」之外,近排仲流行「電召伴遊服務」,即係自己租定酒店房,然後打電話去「伴遊公司」,佢哋接到電話之後,就會安排囡囡去酒店提供所需服務。名稱雖然叫「伴遊」,但囡囡上到房,係唔會再同你出街,而係同你「出火」,收費都唔平,聽講每次服務都要八百到一千,而且冇價講。

其實「伴遊服務」,喺七十年代香港已經盛行,老一輩嘅香港人都應該聽過,甚至玩過,由於上門嘅囡囡經常貨不對辦同埋開天索價,搞出好多唔愉快嘅情況,於是漸漸沒落。而澳門家陣再次興起,當然唔會照辦煮碗,佢哋喺網上大做宣傳,只要上網打上「澳門伴遊」,最少都會出現五六間,客人記下電話打過去就可以,而且部分更有埋囡囡照片同資料,唔使隔山買牛,而且仲話明可以包換幾多次,每次只要畀番三四十蚊的士錢個囡囡,客人保障多咗自然受歡迎,但價錢實在太貴,唔係人人都玩得起!

撰文:小德