大型貼圖分享網站Tumblr自從被Yahoo!收購後，有關新聞一直未停過，好似早前就有消息話，有用家無法從該網站搵到色情內容，更有網友無法登入心愛脫星嘅Tumblr瀏覽，可謂謠言滿天飛呀！但事隔數日，Tumblr創辦人David Karp便發新聞稿闢謠，重申立場不變，並解釋點解有網友登入唔到脫星嘅Tumblr，原因大致係使用者透過不同電子產品，例如平板電腦、智能手機或手提電腦等登入有關，相關問題已經得到解決，因此叫大家唔使擔心。查實Tumblr只係一個社交平台啫，但係經常有新聞出街，所以小弟認為純屬宣傳炒作居多。