AV達人：女優獻巨乳 摸胸救地球

1,000日圓摸兩次

雖然有人覺得日本AV女優以賣肉搵食，宣淫販賤，將其地位降得好低，但係佢哋都係靠自己嘅勞力搵兩餐，而佢哋當中亦有好多熱心社會公益嘅良心女優，為做善事出心又出力，好似SOD專屬女優白石茉莉奈咁，早前就到各個車站向駕車人士派發宣傳交通安全嘅貼紙，而潮吹女王紅音螢則擔任預防愛滋病大使，仲曾經到內地宣揚安全性行為嘅重要性添。提到預防愛滋病，今個8月有一班AV女優向大家宣揚呢個訊息，仲會身體力行，出動自己嘅搵食架生──一對巨乳添！日本樂園電視每年8月都會舉行「用愛救地球24小時」活動，今年已經係第11屆，將於8月24日及25日舉行，如以往一樣，邀請一班AV女優奉獻美乳畀年滿18歲嘅男士摸兩摸，收費為1,000日圓，約七十幾港元。

集郵顯善心

呢1,000日圓收費將會全數捐到預防愛滋病組織，所以各位男士呢兩吓觸摸，除咗滿足手癮之餘，仲可以做善事，真係別具意義o架！上年呢個摸胸活動就吸引到約4,690人捐錢摸胸，總共籌得420萬日圓。雖然過去多屆活動當中，畀人摸胸嘅AV女優都唔多出名，但係今年就有一個頗為巨乳迷熟悉嘅女優，佢就係櫻咲雛乃喇！另一方面，好似上一屆咁，大會安排善長仁翁拎張集郵卡，摸完一個女優之後就獲得一個蓋印，集齊晒蓋印之後，騷畀人睇自己幾有善心，以及摸過咁多個女優。如果大家好想出錢兼出力支持，可以Click上網睇吓詳情。

網址：http://www.paradisetv.info/24/

撰文：賢