學語言好講天分，多數人都只能精通一兩種，好似小弟咁，就算由細到大學英文，家陣見到外國人都係口啞啞。不過，世界上卻係有唔少人可以精通多種語言，好似水着妹清水祐子咁就識六種咁多，呢位美人兒真係架勢！
日本AV界盛產巨乳尤物就人所共知，不過一班巨乳女優胸大之餘，臀大同時腰粗，好似最近紅起上嚟嘅輕熟女杏美月咁，渾身都係肥肉，唔少人都覺得難以下嚥。幸好，巨乳妹亦唔一定肉騰騰，好似妃乃光咁，G奶配21吋纖腰咪索到震囉，至於水着界亦有一個拍得住佢嘅極品，呢位就係清水祐子喇。祐子今年24歲，五官標致可人，笑起上嚟固然甜美，就算木口木面亦透發出一派冷艷，幾時都充滿魅力。具攝人魅力嘅地方亦有阿妹副靚偈喎！祐子胴體纖巧而健美，胸前嘅33D美乳喺數字上唔算好大，但當配上阿妹嘅21吋小蠻腰，呢12吋嘅差距就令其D奶更見突出。
正因為擁有呢副美妙之極嘅胴體以及親切感爆燈嘅美貌，祐子喺2009年參加日本Telegenic選美活動成功突圍而出，同年參加Gravure Japan選美比賽更加奪得冠軍。自此祐子進軍藝能界，拍下嘅電影包括《斑馬-男人-斑馬城之反攻》以及《盛夏的練習曲》，此外舞台劇佢都有涉足到，《Trifle ~reorder~》就係其中一套參演嘅作品。祐子嘅演技好唔好就好難講，因為佢參與嘅幕前演出多數都係曇花一現，不過論口才一定係一流，事關佢曾經多次客串主持之職。做主持除咗要口才，最好仲要識埋外語，呢一點阿妹亦冇問題，英文、西班牙文、德文、法文，甚至係中文等語言阿妹都識，真係「語」量十足！
近期清水祐子忙於演舞台劇，而佢就成日將當中綵排嘅情況拍下照片放上博客，想知道阿妹辛唔辛苦，可以Click上佢個博客睇睇。
網址：http://ameblo.jp/yuco1122/
年齡：24歲
身高：5呎2吋
三圍：33D-21-33
撰文：賢