女優紋身 冇運行

化妝掩飾

日本嘅紋身文化普及，甚至視紋身為一種藝術。之不過，大家睇AV嘅時候，有冇發覺唔多見女優身上有紋身，即使係出晒名表現狂放、愛夜蒲溝仔嘅涉谷系女優，亦少有紋身呢？

日本知名AV評論家Mr.F近日就對此發表其研究心得，佢表示以往都有唔少知名AV女優以紋身形象示人，例如卯月妙子、如月薰等等活躍於80、90年代嘅女優，近年亦有大塚咲、真田春香、彩音心愛以及泉麻耶等。不過，佢哋拍戲嘅時候都會經專人化妝，將紋身部分遮掩，加上攝影師用鏡頭刻意避開，令觀眾睇唔到佢哋身上嘅紋身。

保持形象

可能大家會覺得女優多此一舉，點解唔想畀觀眾見到身上有紋身呢？Mr.F就解釋話日本人雖然漸漸開放，但係思想仍然保守，對紋身有一定忌諱。大家如果去過日本嘅溫泉，都會見到有註明紋身者請勿內進嘅告示。同樣道理，AV界唔想觀眾見到女優嘅紋身，而將女優、AV片商同不法分子聯想埋一齊。另一方面，Mr.F亦指出，AV廠同事務所都希望女優可以建立良好形象，以便女優跳出AV界登台搵錢，因此唔喜歡女優紋身，就算有都唔好公開畀人見到，同時女優紋身後都冇運行，所以都係唔紋身好過喇！

撰文：賢