最近內地好多大城市都替富豪舉辦相親活動，每次都有一千幾百個靚女參加，而主辦單位為咗甄選最高質素嘅美女，搵嚟唔少專家幫手把關，例如搵資深主持考囡囡口才、搵心理學家考心理、搵家政專家考做家務，當然唔少得搵儀態專家同美容專家考囡囡嘅外在美，但上月北京有個相親會搵嚟嘅專家就與別不同，竟係考囡囡嘅內在體質和情緒，乜嘢專家咁巴閉？原來大會請嚟多位醫師替女孩子把脈，據講可以從脈象中看出囡囡嘅體質同埋情緒狀況，健唔健康，有冇仔生，性格係燥底定係溫柔，絕對一「脈」了然，要嫁入豪門，真係唔容易！
撰文：小德