上個月30日英國倫敦舉行咗一場慈善長跑比賽，呼籲大家關心乳癌人士，為咗吸引媒體注意，要求所有參賽者都要着胸圍出席，於是唔少男士都要戴住胸圍嚟跑步，場面都幾搞笑，有啲朋友唔想咁肉酸，就做咗啲印有胸圍嘅Ｔ恤着上去。據講當日反應不俗，有千幾人參加，由於係關心乳癌活動，所以出席嘅妙齡女士都唔少，個個都只着胸圍示人，吸引不少媒體嚟採訪。但睇番新聞圖片，有網友就話好唔明白，點解全部都係影啲阿婆阿嬸，再唔係就係肥師奶，好少拍啲性感美女呢？有網友解釋記者採訪係宣傳活動，而唔係宣傳美女同性感。講得又幾啱喎！
撰文：小德