經常聽到擁有巨乳嘅女性投訴，做運動時對咪咪晃動會令佢哋好辛苦，究竟乳搖會有幾咁辛苦呢？早排《ESPN體育雜誌》刊登咗一篇討論胸部同運動關係嘅文章，而文章本嚟討論乳房大細點樣影響女性運動員嘅表現，只係大家嘅焦點卻落喺文章中指，一個C或D罩杯嘅乳房喺運動時，乳頭上下震動嘅加速速度，喺1秒間可達到時速45英里，即約72.4公里，呢個加速速度比一輛跑車仲要快，如果罩杯尺寸愈大，加速速度會愈高。試諗吓，女性運動員慢跑一粒鐘時，咪咪會跳動幾千次，就好似一輛跑車喺心口上反覆來回，呢種負擔有幾咁重呀！
撰文：魂