成功須苦幹？都唔知第幾鑊喺呢度講脫星嘅發達例子，今日又有一位叫Nina Mercedez，呢件中女確實喺脫星界碌咗好多年，錢總算搵到，但稱唔上發達，而到咗呢個年紀再唔上岸，好快就會被市場淘汰，因此阿姐最近趁住仲有啲人氣，嘭嘭聲開咗間公司，推出個人泳衣品牌La Scorpia Swimwear，賣泳衣搵真銀！
為咗隆重其事，早前阿妹仲喺拉斯維加斯著名夜店Crazy Horse 3搞咗個派對，盡騷報稱親自設計嘅泳裝，公司就話今季系列多達15款，賣點除咗係近年最流行嘅Mix & Match款式外，仲有鑲珠、Bling Bling、流蘇、撞色等，適合不同Style喎！未止呀，由於Nina Mercedez親自做Model，所以剪裁盡顯女人波哋美，泳衣上圍最高可達F Cup添，真係好體貼呀！但最吸引都係如Nina姐所講，泳衣售價要做到價廉物美，人人都負擔得起，細佬上網Check過，比堅尼一套都係30美元起（約港幣234元），又真係堅抵玩喎！
網址：www.lascorpia.com/