問及現時後生一輩嘅AV迷，對邊間日本AV廠印象最深刻？可能會答係S1、Moodyz或者SOD，不過對於老一輩嘅AV迷嚟講，創立超過20年嘅Alice Japan，以及出年將成立20周年嘅桃太郎映像一定係佢哋嘅答案。桃太郎為咗慶祝成立20周年，最近已經展開送禮活動，總共送出一千萬日圓嘅禮品畀AV迷，真係聽見都開心呀！
日本AV界競爭相當大，好多中小型AV廠墨守成規，又或者迎合唔到AV迷口味，兩三年就會執笠，好似北都集團咁，早幾年設立唔少特色AV廠，但係出品千篇一律，最後都要消失於無影無形。至於1994年創業，出年將會陪伴AV迷20年嘅桃太郎映像，我細細個就聽過佢個名，仲睇過佢嘅AV一直到今日，因為佢真係屢創先河，例如1997年佢就首創以主觀角度拍攝AV，等觀眾有如置身劇情之內同女優親熱。中出成為現時好多AV作品嘅指定動作，但係當中好多都係弄虛作假，而桃太郎就喺1999年首創真性中出，標明打真軍冇造假，勁！
2001年，桃太郎又率先引入泥醉交歡系列「醉娘傳」，影響到現時唔少AV廠開拍同樣系列，先灌醉女優之後至畀佢哋同男優交歡。2009年，桃太郎有感於一般嘅AV場面已經唔能夠滿足到貪新鮮嘅AV迷，又見到唔少女優都肯搏肯做，唔介意開放埋後花園，於是就開拍聲稱為前人從未想像過嘅「三穴同時發射」系列。此外，佢亦率先從歐美引入鹹片，成為代理片商，為日本AV迷帶來更多驚喜。桃太郎除咗喺製作AV嘅層面上惠及大眾，佢上個月仲開始舉行送禮活動一樣造福AV迷。直到出年五月，AV迷只要買佢旗下嘅產品都可以參加抽獎，獎品包括女優簽名相片、時興嘅無扇葉風扇、吸麈機、限量版三仔等等，大家有興趣了解詳情，可以Click上http://camp.indies-av.co.jp/。