每次提起去飲酒，好多時候總會覺得一班人去先至夠好玩，其實偶爾同心儀嘅異性，喺夜幕下把酒談心何嘗唔係美事？如果想同親密朋友享受醉人浪漫夜嘅話，澳門Jaya Pool係一個絕佳嘅選擇。位於酒店泳池畔嘅Jaya Pool，不但鄰近氣氛浪漫至極嘅泳池，單係呢個環境已經酒不醉人人自醉，加上露天雅座啱晒情侶喺度傾密偈。當然，如果想同情人嚟跳舞嘅話，呢度嘅舞池亦有足夠嘅空間畀你享受醉人舞蹈，邊聽現場樂隊嘅演奏，邊同情人起舞，確係浪漫到爆燈！Jaya Pool仲會提供特色雞尾酒同埋各式美食，就算唔想跳舞，同樣可以同情人有講之不盡嘅話題。