最近一班嫩模又狂出寫真集搵錢，不過我卻對之不屑一顧，事關佢哋嘅寫真就算幾激幾搏，依然堅持唔露點，好似有啲吊高嚟賣囉。老實講，想成名就梗係要搏啦！就算成名亦可以博多幾鋪，好似好多荷里活女星，如妮歌潔曼、荷爾芭莉、狄美摩亞咁，當時已經有名氣，但係一樣會拍脫戲，當中以狄美摩亞拍嘅《脫衣舞孃》最放最大膽。
《脫》片故事講述狄美摩亞飾演嘅艾琳同老公達路離婚，但係就想同對方爭取女兒嘅撫養權。之不過，艾琳根本就冇錢打官司，於是去到一間夜總會做脫衣舞孃。由於艾琳美艷動人，胸前更有一對豪乳，令佢迷倒唔少客人。某晚，艾琳就畀一個飲醉嘅客人糾纏，呢個時候，坐上客之一嘅國會議員大衞出手相助，仲痛毆呢名酒鬼。大衞打人嘅過程就畀另一名客人謝利拍低，由於謝利迷戀艾琳，於是就以照片威脅大衞，要佢出錢資助艾琳打官司。冇幾耐，謝利嘅屍體就畀人喺水塘發現，惹來警方派員查問相關人等。後來，大衞對艾琳念念不忘，出錢請艾琳到其遊艇作私人表演。幾日之後有一位拎住大衞打人照片嘅律師又意圖敲詐大衞，點知又死埋。
艾琳從前夫家中將女兒偷偷帶走之後，再上到大衞嘅遊艇跳脫衣舞，其前夫為搶回女兒就跟埋上去意圖向艾琳施襲。混亂期間，艾琳用槍指嚇前夫，令對方放棄撫養權，同時大衞亦親口承認，係佢派人殺死謝利同律師，目的係避免該張照片曝光影響政治前途，大衞嘅說話畀艾琳錄音並交到警方手上，最終大衞被逮捕，而艾琳亦可以同愛女過着幸福生活。本片劇情尚可以接受，不過大家睇呢部戲都唔係因為劇情，而係想睇當年身材激凸又健美嘅狄美摩亞如何跳脫衣舞，盡展其驕人豪乳。狄美摩亞為咗演好角色，親身去睇脫衣舞表演從中取經，所以佢喺片中跳得入型入格，將箇中嘅誘人同挑逗意味完全表現，好似真嘅脫衣舞孃一樣，為作品增加可觀性。