《西遊記》當中有好多妖魔鬼怪，牛魔王、白骨精、蜘蛛精等等，由於蜘蛛精夠妖艷又姣到出汁，所以好多男人都畀佢吸乾精元。日本水着界姣爆蜘蛛精兒玉菜菜子，就表示唔會吸乾男友，因為佢有潔癖。
出道以來都蒙面出場嘅女歌手龍小菌最近終於肯以真面目示人，好多人都估唔到佢咁靚女。據佢表示以前係肥妹仔一名，落咗好多心機Keep Fit至得今日咁靚咁苗條，日本水着妹兒玉菜菜子都係一樣。今年26歲嘅菜菜子2007年出道拍寫真，到參加選美比賽Miss FLASH 2008至嶄露頭角。不過，喺呢個比賽未獲獎，反而到後來參加Weekly Playboy嘅第二次比堅尼小姐至得獎。據講係因為第一次嘅失敗促使菜菜子努力瘦身，所以先有得獎機會。原先仲有少少包包面嘅菜菜子家陣美艷動人，又姣又迷人，23吋纖腰配上35吋G-Cup上圍真係索到殺死人。菜菜子話過本身個胸仲大，積極瘦身至縮水到現時嘅G奶，小心畀其他女仔話你晒命呀！
菜菜子喺水着界同藝能界發展得相當唔錯，特別係成為惠比壽麝香葡萄第四期生之後，有機會跟住組合出席各個電視台綜藝節目以及舞台演出。雖然菜菜子身材好，筋骨又夠柔軟，但係又唱又跳就唔係咁適合佢。據講阿妹排舞嘅時候顯得笨手笨腳，跳舞跳到好似隻蜘蛛咁，所以畀隊友叫做佢蜘蛛俠姐姐。其實，叫佢做蜘蛛精都唔過分，因為菜菜子跟得班AV女優隊友多，所以唔多唔少都感染到啲SM女王嘅淫氣。於某次訪問當中，佢自己透露有潔癖，所以唔會畀男友接觸身體，當男友要解決慾火，佢就剝光豬，然後叫男友望住自己自娛，乜咁樣虐待個男友都有o架！
年齡：26歲
身高：5呎4吋
三圍：35G-23-33
撰文：賢