對一班東歐索模嚟講，離鄉別井到歐美搵食，最難過之處可能係要同屋企人分開，或者要融合當地嘅生活，而對人氣裸模Adriana Morriss嚟講，要同佢隻愛寵貓咪分開，先至係最為難過嘅地方。
呢位嚟自拉脫維亞，今年22歲嘅人氣裸模，早於2011年時已經喺裸模界相當有名氣。除咗因為佢擁有天使般嘅面容，同埋玲瓏浮凸嘅身材外，亦因為佢平易近人嘅態度，更係備受一眾寫真攝影師激讚，縱然Adriana家陣已經貴為一線裸體模特兒，只係佢每次出騷或拍攝寫真，表現得相當專業而且唔會扮大牌，單係呢兩點就不難說明Adriana點解人氣如此地高。事實上阿妹喺進軍歐美前，已經有裸體攝影嘅經驗，早就培養出佢對鏡頭嘅觸覺，因此相對初入行嘅新手嚟講，佢嘅表現更加淡定，致令寫真影出嚟嘅效果更加自然，不論係咪Adriana嘅粉絲，都會被佢嗰種自然美所迷倒。據聞已經有電視台向佢招手做節目嘅主持，睇嚟遲啲大家可以喺電視上見到阿妹嘅身影。
雖然Adriana喺裸模界成績有目共睹，但原來佢細個時嘅夢想並非做模特兒，而係希望能夠成為一位獸醫。出晒名鍾意動物，又喺家鄉致力保護動物權益活動嘅阿妹，愛心真係爆晒棚，每逢有保護動物嘅活動時，佢都義不容辭參與，難怪對呢位愛心滿瀉嘅索模嚟講，飄洋過海搵食最難過嘅地方，就係要拋低佢喺家鄉嘅愛貓。據Adriana講，以前佢喺屋企嘅時候最鍾意邊歎咖啡，邊同佢隻小貓玩，而每當佢喺屋企睇戲時，小貓亦會陪伴左右。自從佢到歐美發展後，由於要經常飛嚟飛去，故此只好將愛貓交畀屋企人照顧。不過呢位家陣搵到盤滿鉢滿嘅索模，最近終於喺英國買咗新屋，決定未來喺英國定居，而佢表示將會接埋愛貓嚟住，睇嚟呢位愛寵之人終於畀到愛貓一個家喇！
Adriana先後幫過唔少雜誌及寫真網站影寫真，由於佢每次接工作都會用唔同嘅名，故此想搵齊佢嘅作品有相當嘅難度。幸好呢個網站搜羅晒Adriana出道以嚟嘅所有寫真作品，想睇齊阿妹嘅火辣靚相就話都冇咁易啦！
網址：www.indexxx.com/models/74038/adriana-morriss/
出生日期：1991年1月1日
身高：5呎5吋
三圍：34、24、36
撰文：魂